نــــــــــائر ونئيـــــــــــــــر

[اماني العمر]

يعجز لسانى عن الوصف بجد يا اسلام موضوع رائع
انا اول مره اشوفه فملحقتش اقرأ كله يدوب الحلقه الاولى والاخيره بجد تحفه
كنت اتمنى تبعت اللينك بتاع الموضوع علشان اقدر اتابع معاك
اما عن الحلقه الاخيره فنائر معاه حق فى كل كلمه
احنا اتفه جيل فى امه محمد
لما تدخل فى اى منتدى تشوف مناقشات جاده تلاقيه عباره عن انصار تامر وانصار عمر
والى بعده عاشقى ميسى وعاشقى رونالدو .......وهكذا كل تفكيرنا يبقى احنا جيل تافهه
لما يبقى كل تفكير البنات فى الميكب واللبس يبقى احنا جيل تافهه وبالنسبه للولاد لما يبقى البوكسر شىء خارجى مش داخلى يبقى احنا جيل زباله وابنات الجيبه لحد الركبه وفوق حجاب يبقى ربنا يتولانا
ربنا يصلح حالنا ولو عاوزين قدوه مفيش احسن من الرسول الكريم وبعده الصحابه وفى شخصيات عظيمه عندنا بعدهم
تسلم يا اسلام على الموضوع

[هلا]

ع مر العصور ومر الاجيال بنشوف الكويس والوحش
والتافه والمثقف
والعاقل اللى بيعرف يوزنها صح وواثق م نفسه
واللى مقضيها
يمكن تكون النسبة زايدة ف جيلنا نظرا لكم الرفاهية اللى بيوصله اغلب شبابنا
من نت وانفتاح وعولمة
واشياء لا يجيد استخدامها الا فى اشباع المتع الشخصية
حلقة مميزة
هلا

[Bnota Masrya]

جميل اوووى اوى بس ياترى لما كل واحد فينا شايف ان الجيل دة تافة وملوش لازمة
اومال مين فينا الى خلاة تافة طيب !!!
لو كل واحد بجد بدا من نفسة ومحاولش يتبع التقليد الاعمى الى بقى يحصل دة ف كل حاجة
احنا ممكن نكون حاجة كويسة اوووى وجيل يشهد بية
بس لا حياة لمن تنادى كل واحد شايف نفسة الى حد ما كامل وغيرة الى والى
وغير دة كلة كمان احنا نفسنا حتى لو عايزين نغير من السستم الى احنا بقينا فية
والاسم الى بقى يطلع علينا مفيش اى تشجيع اذا كان من ناس عايشين معاهم او دولة او او
يبقى لية منبقاش تافهين زى مابيقولو
ربنا يتولانا بس انا شايفة ان لسة فى والله شباب كويس يطلع منة حاجة كويسة بس فين التشجيع؟؟؟
يسلمو ياسلام على الموضوع الى ميخلصى الكلام فية
دمت بود

[MeRo EL ZaMLKwYa]

يمكن يكون كل جيل بيبقى فيه تغير والجيل اللى قبلو بيقول علية
دة جيل فاشل واسوء جيل بس فعلا الواحد لما بسمع من اهلو
واللى اكبر منة بكام سنة واللى اكبر مننا بعشر سنين
دة حتى جيلنا احنا كمان لما بشوف الجيل اللى اصغر منى
بحس ان انا مش بقيت زيهم ومش كنا زيهم ايام مكنا فى سنهم
كل سنة الجيل بيختلف المشكلة بقى ان هوه بيختلف للاسوء مش للاحسن

[zoki]

بجد والله من احسن المواضيع اللى قرأتها لأنها بتناقش قضايا مهمة جدا
احنا خلاص مبقاش عندنا اكتر من المشاكل فى حياتنا يمكن باالمناقشة مع بعض نلاقى حلول للمجتمع دة تسلم ايدك يا كبير على الموضوع المميز دة

[جار الحيره]

مساء جميل منور بوجدكم
تقبل مروري

[azza elbogdady]

بعتذر عن تأخيري بس والله ظروف
ممكن تمنعني عن النت اليومين الجاين معلش
عقبال الكل بنقل في شقه جديده
يووه
دخله ارغي عن الشقه ولا اعلق علي الموضوع

سوري

المهم
بجد موضوع غايه في الاهميه فعلا للاسف ده بقي حال

معظم الشباب الاهتمام بالقشور والمظهر
اكتر من الجوهر والثقافه
يهمهم جمال الشكل ولا يهتموا بجمال العقل
فعلا لو الاهتمامات اختلفت وعملنا اولويات
لاهتمامنا هنفرق كتير جدا
ميرسي يا اسلام
عارفه اني نورت

هههههههههههههههههههههه
بجد موضوع روعه ويدل علي جمال العقل فعلا
تقبل مروري

[R O N A L D O]

ميرسى ليكم كلكم ع الاراء المحترمة دى كلها
ومبروك يا عزة الشقة الجديدة اللى اداك يدينا يا سيدى ههههههههههه

انتظروا الحلقة الجديدة ان شاء الله

[R O N A L D O]

عفــــــــــــــوا.....!! دا مش حجابــــــ !!!

نائر:ايه ده انتي هتخرجي كدا


نئير :ايه مالك وفيها ايه ماله كدا


نائر:جينز وبدي قصير والاسم لابسة حجاب


نئير :والمفروض البس شوال مثلا ولا ايه انا بلبس كل الي بيلبسه بنات سني معملتش كارثة يعني


نائر: وهو ده لبس حجاب هي جات علي تغطية الشعر يعني المفروض الحجاب لا يشف ولا يوصف والي انتي لبساه ده واصف جسمك كله


نئير:كفاية اوي اني مغطية شعري اساسا خساره اغطيه طويل وناعم وهيقع اساسا من الايشارب الي لبساه ده


نائر: ربنا يهديكي يا بنتي هتعملي ايه بشعرك الطويل اما تقابلي ربنا وهو غضبان عليكي وتبقي نهايه شعرك ده النار


نئير : يا بنتي انا لسة صغيره وحلوة اما اتجوز واعيش حياتي اما اكبر ابقي البس اسدال ونقاب كمان سبيني اعيش يومين


نائر: وانتي ضامنه حبيبتي تعيشي عشر دقائق كمان هو الموت ليه سن معين كام طفل بيموت في اليوم كام شاب صغير نعرفهم ماتو واحنا مكناش نتخيل ان يحصل كدا فوقي وارجعي لربنا ...


نئير:معاكي حق والله انا ساعات ضميري بيئنبني بردو وحاسة اني بعمل جرم كبير بس الدنيا والموضه والناس كلها حاجات بتغريني اعمل ايه


نائر:ولا صحابك ولا الدنيا ولا الناس ولا الموضه ولا الحاجات دي كلها هتنفعك

فوقي كدا وارجعي لربنا حاولي تعدلي من لبسك وتلبسي ملابس ترضي بيها ربك لان رضا الرب هو غاية كل مسلم


قال تعالى : ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الأِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ ) النور/

صدق الله العظيم

[R O N A L D O]

اتمني تكون الحلقة عجبتكم